Бұл ертегіде жұмыртқаны жарып шыққан кішкентай тасбақа өзі сияқты мыңдаған тасбақалармен бірге теңізге қарай жүгіріп келеді. Әлдебір түйсігі егер тез жетіп алмаса, төбе тұсынан бір қауіптің төніп тұрғанын, яғни сәл кешіксе, шағала сияқты құстардың жеміне айналарын сездіреді... Суда жаңа өмір бастағанымен, оның басты арманы – есейгенде өзі дүниеге келген құмға барып тіршілік ету болып қала бермек. Ертегіден балалар жануарларды қорғаудың маңыздылығы туралы біледі. Медузамен қоректенетін тасбақалардың адамдар лақтырған пластик пакетті жұтып қойып, өліп қалып жататыны – көпшілікке ой саларлық жағдай.